日式炸串機登陸香港 $158任炸任食任玩【有片】

早已在日本大阪流行的自助炸串專門店，在香港有得玩。在荃灣新開的一間日式火鍋炸物放題店，老闆潘生在那些年幫襯過，覺得很好玩，於是到在現在自己開日式火鍋，也想到用此炸串機作小噱頭。

為此，他專程向日本京都的廠商買來，給未玩過的香港人嘗試下，有片睇：

這部炸串機外形雖然一點都不「靚仔」，但「內涵」不俗，老闆話大家不用擔心會被油彈到，因為這部炸機的設計會令油呈S形流動，所以炸食物時，水份會向下走，不會油花四濺，小朋友只要有大人陪同下，都可嘗試自己炸來食。

另外，因為油溫常保存在攝氏170度，令到炸煮食物可保持穩定性，兩分鐘內便可炸到美味串物。

老闆還保證不會用萬年油，每天都會更換食油和清洗炸機以確保衛生。

▲ 炸串機旁的凍櫃，放滿各式串物，揀好食材後，照牆上圖示做便可。(陳偉能攝)

炸串機旁邊凍櫃放置了10多款預備好的炸串，包括有蝦、南瓜、秋葵、腸仔、菇類、青椒、魚蛋、芋頭魚餅等，當然以蝦最受歡迎。

記者推薦不要錯過圓形的芋頭魚餅，內有粒粒芋頭，食落彈牙帶芋香。每人每次宜揀5款串物，然後拿到機前的盤上放好，倒入白色炸漿，再沾上麵包糠，便可以放入機內炸。啟動計時器，兩分鐘後，便可拿起炸好的串物，炸出來的質素不錯。

▲ 原隻波士頓龍蝦湯底，用料足，把蝦頭先加芝士焗香再保煲，特別香口。($88)(陳偉能攝)

▲ $298/位吃到澳洲M6和牛，算抵。(陳偉能攝)

再重申，此任炸任食炸串是日式火鍋放題的一部分(全程120分鐘)，店內的放題有5個價錢選擇，全部都有得玩炸串機，最平價錢由$158/位，可任食豚肉和雞肉，如想任加食牛肉、海鮮的話， $298/位價錢已經可食到澳洲M6和牛、安格斯小牛小排、海鮮盛合等。

所有任食價錢已包括湯底，有8款選擇，大路的有沙嗲湯、番茄湯，另外亦有味噌芝麻豆乳湯、九州豬骨湯、北海道3.7牛乳牛骨湯、鰹魚昆布漬湯、壽喜燒甜醬油湯，以及地獄火岩湯，如想一鍋兩湯，每鍋加$18。

想再豪點的話，新推$88的原隻波士頓龍蝦忌廉湯至美味，其他火鍋配料、蔬菜、沙律、小食、飲品、甜品、雪糕等都放在自助區，長食長有。

▲ 各套餐價錢，加少少錢便可任飲當天指定清酒。(陳偉能攝)

Info
 

稻八日式火鍋炸物放題
地址：荃灣德海街18號富利達中心1樓
電話：2152 3988/6347 3636
營業時間：周一至日 5:30pm-凌晨3am
放題收費：每位$158至$368，視乎所選火鍋料而定。
備註：加$50可任飲清酒+Asahi啤酒，或梅酒+Asahi啤酒，而飲勻清酒+梅酒+啤酒的話，$368/位套餐加$20，最滿足好酒客。

【其他熱話】想離開香港？一圖睇晒投資移民門檻

【其他熱話】港版膠囊酒店 打造上班族午睡天堂【有片】

【其他熱話】患罕見遺傳病立志成大體老師：盼跟我一樣的人不再受苦